మంత్రి కారుకు డ్రైవర్‌గా మారిన జిల్లా కలెక్టర్.. ధార్వాడలో ఆసక్తికర ఘటన

ధార్వాడ నగరంలో ఆదివారం ఆసక్తికర ఘటన చోటుచేసుకుంది. రాష్ట్ర అవతరణ దినోత్సవాల అనంతరం మంత్రి సంతోష్‌ లాడ్‌ కారులో కూర్చోగా, జిల్లా కలెక్టర్‌ స్నేహల్‌ స్వయంగా స్టీరింగ్‌ పట్టుకున్నారు. మంత్రి ప్రయాణిస్తున్న కారును కలెక్టర్‌ నడపడం అక్కడి వారిని ఆశ్చర్యానికి గురిచేసింది.

ఈ ఘటనపై కలెక్టర్‌ స్నేహల్‌ వివరణ ఇచ్చారు. సాహిత్య భవన్‌లో నిర్వహించిన విలేకరుల సమావేశానికి తామిద్దరం ఒకే కారులో వచ్చామని, కారులో స్థలం సరిపోకపోవడంతో డ్రైవర్‌ను దించి తానే వాహనాన్ని నడిపానని తెలిపారు. ఈ ఘటన స్థానికంగా చర్చనీయాంశంగా మారింది.