రెండేళ్ల తర్వాత సడన్‌గా ఓటీటీలో రిలీజ్ అయిన ‘అయలాన్’ మూవీ

తమిళ సినీ ఇండస్ట్రీలో టాలెంటెడ్ హీరోగా గుర్తింపు పొందిన శివ కార్తికేయన్ నటించిన తాజా చిత్రం పరాశక్తి సంక్రాంతి కానుకగా థియేటర్లలో ప్రేక్షకులను అలరించేందుకు సిద్ధమవుతోంది. ఇదిలా ఉండగా, రెండు సంవత్సరాల ఆలస్యం తర్వాత థియేటర్లలో విడుదల కావాల్సిన మరో ఆసక్తికర చిత్రం నేరుగా ఓటీటీ బాట పట్టింది. దర్శకుడు ఆర్ రవికుమార్ తెరకెక్కించిన సైన్స్ ఫిక్షన్ ఏలియన్ మూవీ అయలాన్ 2024 సంక్రాంతికి తమిళంలో విడుదలైంది.

అయితే అప్పట్లో కొన్ని అనివార్య కారణాల వల్ల ఈ చిత్రం తెలుగులో రిలీజ్ కాలేకపోయింది. అనంతరం తమిళంలో ఓటీటీలో స్ట్రీమింగ్ అయినప్పటికీ, తెలుగువారు దీని కోసం కొంతకాలం వేచి చూడాల్సి వచ్చింది. తాజాగా అయలాన్ తెలుగు వెర్షన్ ప్రముఖ ఓటీటీ ప్లాట్‌ఫారమ్ ఆహా లో స్ట్రీమింగ్‌కు వచ్చింది. దీంతో అప్పట్లో మిస్ అయిన ప్రేక్షకులు ఇప్పుడు సులభంగా ఈ చిత్రాన్ని వీక్షించవచ్చు. ఈ సినిమాలో రకుల్ ప్రీత్ సింగ్ హీరోయిన్‌గా నటించగా, సంగీతాన్ని దిగ్గజ స్వరకర్త ఏ ఆర్ రెహ్మాన్ అందించారు.