ఓటీటీలో సిటాడెల్ 2 సీజన్.. స్ట్రీమింగ్ ఎప్పుడంటే?

మహేష్ బాబు, రాజమౌళి సినిమాతో బిజీగా ఉన్న ప్రియాంక చోప్రా ఇప్పుడు మరోసారి ప్రేక్షకులను అలరించేందుకు సిద్ధమైంది. సిటాడెల్ సిరీస్ రెండో సీజన్ ట్రైలర్ విడుదల కాగా, స్ట్రీమింగ్ తేదీని కూడా ప్రకటించారు. ఈ సిరీస్ తెలుగు భాషలో కూడా అందుబాటులోకి రానుంది.

ప్రియాంక చోప్రా, రిచర్డ్ మ్యాడెన్ ప్రధాన పాత్రల్లో నటించిన ఈ సిరీస్ తొలి భాగం 2023 సంవత్సరంలో విడుదలైంది. ప్రేక్షకుల నుంచి మిశ్రమ స్పందన వచ్చినప్పటికీ, ఇప్పుడు రెండో భాగాన్ని వచ్చే నెల 6 నుంచి విడుదల చేయనున్నారు. ఈసారి కొత్త మిషన్‌తో మరింత ఉత్కంఠను అందించనుంది.

'సిటాడెల్' తొలి సీజన్ విషయానికొస్తే... ఎఫ్‌బీఐ, రా, ఐఎస్ఐలానే సిటాడెల్ అనేది ఓ స్పై ఏజెన్సీ. ప్రపంచంలోని కొందరు వ్యక్తులు కలిసి దీన్ని ఫ్రాన్స్ వేదికగా ఏర్పాటు చేస్తారు. అయితే సిటాడెల్‌ని నాశనం చేయాలని కొందరు డబ్బునోళ్లు 'మాంటికోర్' అని మరో స్పై సంస్థ ఏర్పాటు చేస్తారు. సిటాడెల్ టాప్ ఏజెంట్స్ అయిన మేసన్ కేన్(రిచర్డ్ మ్యాడెన్), నాదియా సిన్హా(ప్రియాంక చోప్రా)లని అంతం చేసేందుకు మాంటికోర్ ప్రయత్నిస్తుంది. వీళ్ల దాడి నుంచి మేనస్, నాదియా ఎలా తప్పించుకున్నారు? అనేది తొలి సీజన్. అయితే ఇది తెలుగులోనూ స్ట్రీమింగ్‌లోకి వచ్చినప్పటికీ హీరోయిన్ సమంతని ప్రధాన పాత్రలో పెట్టి ఈ సిరీస్ రీమేక్ చేశారు. ఇది అస్సలు వర్కౌట్ కాలేదు.