వరుణ్, పూజా హెగ్డే, మృణాల్ పాటలో ఆకట్టుకునే కెమిస్ట్రీ

1999లో విడుదలైన హిందీ సినిమా ‘బివీ నెం.1’లోని ఐకానిక్ గీతం ‘చునరీ చునరీ’ అప్పట్లో సల్మాన్ ఖాన్, సుస్మితా సేన్‌లతో యువతను ఆకట్టుకుంది. ఇప్పుడు అదే పాటను కొత్తగా రీమిక్స్ చేసి వరుణ్ ధావన్, పూజా హెగ్డే, మృణాల్ ఠాకూర్ ప్రధాన పాత్రల్లో నటిస్తున్న ‘హై జవానీ తో ఇష్క్ హోనా హై’ చిత్రంలో తీసుకొచ్చారు. వచ్చే నెల 5 విడుదలకు సిద్ధమవుతున్న ఈ సినిమా నుంచి ఈ పాటను తాజాగా విడుదల చేశారు.

ఈ పాటలో వరుణ్ ధావన్, పూజా హెగ్డే, మృణాల్ ఠాకూర్ మధ్య కెమిస్ట్రీ ఆకట్టుకుంటోంది. ఈ గీతాన్ని సింగర్ సునీద్ నిగమ్, జోనిటా గాంధీ, అనురాధ శ్రీరామ్ కలిసి ఆలపించారు. డేవిడ్ ధావన్ దర్శకత్వం వహించిన ఈ చిత్రాన్ని రమేష్ తౌరానీ నిర్మించారు. మౌనీ రాయ్, చంకీ పాండే, జిమ్మీ షెర్గిల్ కీలక పాత్రల్లో నటిస్తున్నారు. నేటి ప్రేక్షకులను ఆకట్టుకునేలా నోస్టాల్జియా టచ్‌తో ఈ రీమిక్స్ రూపొందించారు.