వారణాసి దెబ్బకు హాలీవుడ్ రికార్డులు బద్దలే?

సినిమా విడుదల కాకముందే అంతర్జాతీయ స్థాయిలో సంచలనం సృష్టించడం అరుదైన విషయం. ఇప్పుడు దర్శకుడు రాజమౌళి తెరకెక్కిస్తున్న వారణాసి ఈ ఘనతను సాధించే దిశగా దూసుకెళ్తోంది. ఈ చిత్రానికి సంబంధించిన గ్లింప్స్‌ ఐమాక్స్‌ అధికారిక యూట్యూబ్‌ ఛానల్‌లో కోటి వీక్షణలు దాటిన తొలి వీడియోగా నిలిచిందన్న వార్త సినీ వర్గాల్లో ఆసక్తిని పెంచుతోంది. దీంతో భారతీయ సినిమా సత్తా మరోసారి ప్రపంచవ్యాప్తంగా చర్చనీయాంశంగా మారింది.

ఇదే ఛానల్‌లో అవతార్: ది వే ఆఫ్ వాటర్ ట్రైలర్‌ సుమారు 82.5 లక్షల వీక్షణలతో తర్వాతి స్థానంలో ఉండగా, డాక్టర్ స్ట్రేంజ్ ఇన్ ది మల్టీవర్స్ ఆఫ్ మ్యాడ్‌నెస్ ట్రైలర్‌ సుమారు 41.4 లక్షల వీక్షణలు సాధించింది. మైఖేల్ ట్రైలర్‌ సైతం ఎక్కువ మంది చూసిన వీడియోల్లో చోటు దక్కించుకుంది. విడుదలకు ముందే ఈ స్థాయి ఆదరణ రావడంతో వారణాసిపై అంచనాలు మరింత పెరిగాయి. మరి థియేటర్లలోకి వచ్చిన తర్వాత ఈ చిత్రం ఎలాంటి వసూళ్ల ప్రభంజనం సృష్టిస్తుందో చూడాలి.