'ది ఎండ్ ఆఫ్ ఓక్ స్ట్రీట్' రిలీజ్ ఎప్పుడంటే?

హాలీవుడ్ భారీ సర్వైవల్ థ్రిల్లర్ 'ది ఎండ్ ఆఫ్ ఓక్ స్ట్రీట్' ఆగస్టు 14న ప్రపంచవ్యాప్తంగా థియేటర్లలో విడుదలకు సిద్ధమైంది. ఆస్కార్ విజేత అన్నే హాతవే, ప్రముఖ నటుడు ఇవాన్ మెక్‌గ్రెగర్ ప్రధాన పాత్రల్లో నటించిన ఈ చిత్రానికి డేవిడ్ రాబర్ట్ మిచెల్ కథ, దర్శకత్వం వహించగా, ప్రముఖ నిర్మాత జే.జే. అబ్రామ్స్ నిర్మాణ సహకారం అందించారు. ఐమ్యాక్స్ ఫార్మాట్‌లో కూడా ఈ చిత్రాన్ని విడుదల చేయనున్నారు.

ఇటీవల విడుదలైన పోస్టర్‌లో భారీ డైనోసార్ ఇళ్లను ధ్వంసం చేస్తూ ప్రధాన పాత్రలను వెంటాడుతున్న దృశ్యాలు సినిమాపై భారీ అంచనాలను పెంచాయి. యాక్షన్, అడ్వెంచర్, సర్వైవల్ అంశాలతో రూపొందిన ఈ చిత్రం ప్రేక్షకులకు ఉత్కంఠభరితమైన అనుభూతిని అందించనుంది. ఇంగ్లిష్‌తో పాటు తెలుగు, తమిళం, హిందీ భాషల్లో కూడా ఈ సినిమా విడుదల కానుండటంతో భారతీయ ప్రేక్షకుల్లో కూడా ఆసక్తి నెలకొంది.