సినీ పరిశ్రమలో వయసు వివాదంపై టబు వ్యాఖ్యలు

ప్రముఖ నటి టబు సినీ పరిశ్రమలో నటీమణుల వయసుపై సమాజం అనవసరంగా ఎక్కువ దృష్టి పెడుతోందని అసహనం వ్యక్తం చేశారు. తాజా ఇంటర్వ్యూలో ఆమె మాట్లాడుతూ మహిళల సాధనల కంటే వయసు గురించే ఎక్కువగా చర్చ జరుగుతోందని అన్నారు. వయసు పెరగడం సహజమైన విషయం అయినప్పటికీ దానిపై ఎక్కువగా మాట్లాడటం బాధాకరమని తెలిపారు.

సినిమాలను తిరస్కరించే విషయంలో తాను ఎప్పుడూ నిజాయతీగా ఉంటానని, స్క్రిప్ట్ నచ్చకపోతే నచ్చలేదని చెప్పేస్తానని టబు పేర్కొన్నారు. ప్రస్తుతం ఆమె నటించిన భూత్ బంగ్లా మంచి ఆదరణ పొందుతోంది. అలాగే విజయ్ సేతుపతితో కలిసి స్లమ్ డాగ్ సినిమాలో నటిస్తుండగా, నాగార్జున 100వ చిత్రంలో కీలక పాత్రలో కనిపించనున్నారు.