సోషల్ మీడియా దుర్వినియోగంపై కఠిన చర్యలు..!

ఆంధ్రప్రదేశ్ మరియు తెలంగాణ రాష్ట్ర ప్రభుత్వాలు సోషల్ మీడియా దుర్వినియోగంపై పదేపదే హెచ్చరికలు జారీ చేస్తున్నాయి. మహిళలు, పిల్లలపై అసభ్య వ్యాఖ్యలు చేస్తే కఠిన చట్టపరమైన చర్యలు తీసుకుంటామని స్పష్టం చేశాయి. ఈ నేపథ్యంలో ఒక నటి పై అసభ్య వ్యాఖ్య చేసిన వ్యక్తిపై తెలంగాణ పోలీసులు చర్యలు తీసుకున్నారు.

పోలీసుల సమాచారం ప్రకారం కొటిపల్లి వెంకన్న అనే వ్యక్తిని హైదరాబాద్ పోలీసులు అరెస్ట్ చేశారు. అతను వృత్తిరీత్యా భద్రతా సిబ్బందిగా పని చేస్తూ సోషల్ మీడియాలో ఎక్కువగా చురుకుగా ఉంటాడని తెలిపారు. నటి రేణు దేశాయ్‌కు సంబంధించిన ఒక పోస్టుపై అసభ్య వ్యాఖ్య చేయడంతో అతనిని అదుపులోకి తీసుకున్నారు. ఇటీవలి రోజుల్లో కూడా ఇలాంటి ఘటనలో ఒకరిని అరెస్ట్ చేయడం జరిగింది. సోషల్ మీడియా దుర్వినియోగంపై పోలీసులు కఠినంగా వ్యవహరిస్తున్నారని స్పష్టం అవుతోంది.