మార్చ్ లో స్పిరిట్ మూవీ రిలీజ్ చేస్తున్నాము - డైరెక్టర్ సందీప్ రెడ్డి వంగా!

ప్రభాస్ (Prabhas) అభిమానులకు గుడ్ న్యూస్! ఆయన కథానాయకుడిగా సందీప్‌రెడ్డి వంగా (Sandeep Reddy Vanga) దర్శకత్వంలో రూపొందుతున్న హైఓల్టేజ్ యాక్షన్‌ థ్రిల్లర్ ‘స్పిరిట్’ (Spirit) వచ్చే ఏడాది మార్చి 5 న ప్రపంచవ్యాప్తంగా విడుదల కానుంది. నూతన సంవత్సరం సందర్భంగా ప్రభాస్‌ లుక్‌ను (Spirit First Look) విడుదల చేయగా, ఇప్పుడు సంక్రాంతి కానుకగా ఫిక్స్‌ చేసిన రిలీజ్ డేట్‌ను చిత్రబృందం ప్రకటించింది.

సినిమాలో ప్రభాస్‌ పోలీస్‌ ఆఫీసర్‌గా నటిస్తున్నారు. ప్రారంభంలో ‘సౌండ్ స్టోరీ’ అనే ఆడియో టీజర్ విడుదల చేయబడింది. ఇందులో ప్రభాస్‌ అకాడమీ టాపర్‌ అయిన ఐపీఎస్‌ అధికారిగా కనిపిస్తారు. ఒక సందర్భంలో, రిమాండ్ ఖైదీగా జైలులో చేరిన ప్రభాస్‌కు, జైలర్‌గా ఉన్న ప్రకాశ్ రాజ్‌తో సంభాషణల సన్నివేశం టీజర్‌లో ప్రధాన ఆకర్షణగా నిలిచింది.

‘స్పిరిట్’లో పోలీస్ కథతో పాటు మాఫియా నేపథ్య సన్నివేశాలు కూడా ఉంటాయి, ముఖ్యంగా ద్వితీయార్ధంలో ప్రేక్షకులకు ఎక్కువ థ్రిల్ ఇవ్వనుందని చెప్పబడుతోంది. త్రిప్తి దిమ్రీ కథానాయికగా నటిస్తుండగా, బాలీవుడ్ నటుడు వివేక్ ఒబెరాయ్, సీనియర్ నటి కాంచన ఇతర ముఖ్యపాత్రల్లో ఉన్నారు. ఈ సినిమా ప్రపంచవ్యాప్తంగా తొమ్మిది భాషల్లో రిలీజ్ కానుంది. టి-సిరీస్, భద్రకాళి పిక్చర్స్ ప్రొడక్షన్స్ సంస్థలపై ప్రణయ్ రెడ్డి వంగా, భూషణ్ కుమార్, క్రిషన్ కుమార్ నిర్మిస్తున్నారు.