టాక్సిక్ పై రూమర్స్‌కు చెక్.. కియారా క్లియర్ స్టేట్‌మెంట్ !

టాక్సిక్ సినిమాలో యశ్ హీరోగా నటిస్తుండగా, కియారా అద్వానీ పాత్రపై సోషల్ మీడియాలో పలు రూమర్లు వైరల్ అయ్యాయి. ముఖ్యంగా బోల్డ్ సీన్స్‌పై వచ్చిన వార్తలు పెద్ద చర్చకు దారితీశాయి. ఈ విషయంపై కియారా స్పందిస్తూ, అలాంటి సన్నివేశాలు తొలగించమని ఎక్కడా చెప్పలేదని, ఈ వార్తల్లో నిజం లేదని స్పష్టం చేసింది.

టీజర్ విడుదలైన తర్వాత నుంచే ఆమె పాత్రపై అనేక ఊహాగానాలు మొదలయ్యాయి. అధికారిక సమాచారం లేకపోవడంతో అనవసర ప్రచారం పెరిగింది. గీతూ మోహన్ దాస్ దర్శకత్వంలో తెరకెక్కుతున్న ఈ చిత్రం మొదట వచ్చే నెల 4 న విడుదల కావాల్సి ఉండగా వాయిదా పడింది. కొత్త విడుదల తేదీని త్వరలో ప్రకటించనున్నట్లు సమాచారం. యశ్, కియారా జంటపై ప్రేక్షకుల్లో మంచి అంచనాలు ఉన్నాయి.