విడుదలైన ప్రతీ చోటా మా ‘రాకాస’కి అద్భుతమైన రెస్పాన్స్ వస్తోంది - నిహారిక కొణిదెల

జీ స్టూడియోస్ సమర్పణలో, పింక్ ఎలిఫెంట్ పిక్చర్స్ బ్యానర్‌పై ఉమేష్ కుమార్ బన్సాల్‌తో కలిసి నిహారిక కొణిదెల నిర్మించిన ‘రాకాస’ చిత్రం ఈ రోజు ప్రేక్షకుల ముందుకు వచ్చింది. మానస శర్మ దర్శకత్వం వహించిన ఈ చిత్రంలో సంగీత్ శోభన్, నయన్ సారిక ప్రధాన పాత్రల్లో నటించారు. విడుదలైన అన్ని కేంద్రాల్లో ఈ సినిమాకు పాజిటివ్ టాక్ రావడంతో, చిత్రబృందం ఈ రోజు బ్లాక్‌బస్టర్ సక్సెస్ మీట్ నిర్వహించింది. ఈ సందర్భంగా నిహారిక కొణిదెల మాట్లాడుతూ, ప్రీమియర్ల నుంచే సినిమాకు అద్భుతమైన స్పందన లభించిందని, ప్రేక్షకులు నవ్వుతూ, ఎంజాయ్ చేస్తూ సినిమాను ఆదరిస్తున్నారని తెలిపారు.

హీరో సంగీత్ శోభన్ మాట్లాడుతూ, ప్రీమియర్ల నుంచి మంచి రెస్పాన్స్ కొనసాగుతుందని, కుటుంబాలతో పాటు పిల్లలు కూడా ఈ సినిమాను ఆసక్తిగా చూస్తున్నారని చెప్పారు. మీడియా కూడా సినిమాను ఆస్వాదించిందని, తమ చిత్రాన్ని ఆదరిస్తున్న ప్రతి ఒక్కరికీ కృతజ్ఞతలు తెలిపారు. హీరోయిన్ నయన్ సారిక మాట్లాడుతూ, ‘రాకాస’ తనకు ఎంతో ప్రత్యేకమైన చిత్రం అని, అన్ని వర్గాల ప్రేక్షకులు సినిమాను ఆదరిస్తున్నారని చెప్పారు. చాలా చోట్ల హౌస్‌ఫుల్ కలెక్షన్లు రావడం ఆనందంగా ఉందని పేర్కొన్నారు.

దర్శకుడు మానస శర్మ మాట్లాడుతూ, ఈ చిత్రాన్ని వినోదభరితంగా రూపొందించామని, థియేటర్లలో ప్రేక్షకులు పెద్దగా నవ్వుతూ సినిమాను ఆస్వాదిస్తున్నారని తెలిపారు. అనుదీప్ దేవ్ మాట్లాడుతూ, ప్రేక్షకులు ఎక్కడ ఎంజాయ్ చేస్తారో అనుకున్న చోట్లే మంచి స్పందన రావడం సంతోషంగా ఉందన్నారు. జీ స్టూడియోస్ కంటెంట్ హెడ్ దివ్య మాట్లాడుతూ, సినిమాకు మంచి స్పందన లభిస్తోందని, ఈ వీకెండ్ కుటుంబంతో కలిసి ‘రాకాస’ను చూడాలని ప్రేక్షకులను ఆహ్వానించారు.