హైదరాబాద్ లో ‘పెద్ది’ మెగా బ్లాక్‌బస్టర్ ఈవెంట్

రామ్ చరణ్ కెరీర్‌లో గుర్తుండిపోయే విజయాల్లో ‘పెద్ది’ ఒకటిగా నిలిచింది. టైటిల్ పాత్రలో ఆయన నటనకు ప్రేక్షకులు, విమర్శకుల నుంచి విశేష ప్రశంసలు లభించాయి. బుచ్చి బాబు సనా దర్శకత్వంలో తెరకెక్కిన ఈ స్పోర్ట్స్ డ్రామా దేశవ్యాప్తంగా ప్రేక్షకులను ఆకట్టుకుని బాక్సాఫీస్ వద్ద భారీ విజయాన్ని నమోదు చేసింది. ప్రపంచవ్యాప్తంగా రూ.400 కోట్లకు పైగా వసూళ్లు సాధించి సంచలనం సృష్టించింది.

ఈ అద్భుత విజయాన్ని పురస్కరించుకుని చిత్ర బృందం జూన్ 23, 2026న మెగా బ్లాక్‌బస్టర్ ఈవెంట్‌ను నిర్వహించనున్నట్లు ప్రకటించింది. హైదరాబాద్‌లోని శిల్పకళా వేదికలో సాయంత్రం 6 గంటల నుంచి ఈ వేడుక జరగనుంది. ఈ కార్యక్రమానికి రామ్ చరణ్, దర్శకుడు బుచ్చి బాబు సనా, చిత్ర నటీనటులు మరియు సాంకేతిక బృందం హాజరుకానున్నారు. వృద్ధి సినిమాస్ నిర్మించిన ఈ చిత్రంలో శివ రాజ్‌కుమార్, జగపతి బాబు, జాన్వీ కపూర్, దివ్యేందు శర్మ తదితరులు కీలక పాత్రలు పోషించారు. ఆస్కార్ విజేత ఏఆర్ రెహమాన్ సంగీతాన్ని అందించారు.