రిలీజ్‌కు రెడీ అయిన ‘పాంచాలి పంచభర్తృక’

సీనియర్ నటుడు రాజేంద్ర ప్రసాద్ ప్రధాన పాత్రలో నటిస్తున్న ‘పాంచాలి పంచభర్తృక’ చిత్రం ఆగస్టు 14న థియేటర్లలో విడుదల కానుంది. గంగ సప్తశిఖర దర్శకత్వంలో రాయల్ థ్రోన్ ప్రొడక్షన్స్, ఓం సాయిరాం ఆర్ట్స్ సంయుక్తంగా నిర్మిస్తున్న ఈ చిత్రం వినూత్నమైన టైటిల్‌తో ఇప్పటికే ప్రేక్షకుల దృష్టిని ఆకర్షించింది. తాజాగా విడుదల చేసిన పోస్టర్‌తో పాటు చిత్ర విడుదల తేదీని మేకర్స్ అధికారికంగా ప్రకటించారు.

ట్రెండీ కామెడీ కథాంశంతో రూపొందిన ఈ చిత్రం అన్ని వర్గాల ప్రేక్షకులను అలరిస్తుందని చిత్రబృందం విశ్వాసం వ్యక్తం చేసింది. చాలా కాలం తర్వాత తనలోని పాత రాజేంద్ర ప్రసాద్‌ను గుర్తు చేసే పాత్ర ఈ సినిమాలో దక్కిందని, పాటలు, ఫైట్లు, అద్భుతమైన కామెడీ టైమింగ్‌తో ప్రేక్షకులను పూర్తి స్థాయిలో అలరిస్తానని రాజేంద్ర ప్రసాద్ తెలిపారు. ఇప్పటికే విడుదలైన ‘సెనోరిటా.. రాపిస్తా నా ఆస్తి నీ పేరిట’ రెట్రో స్టైల్ పాటకు మంచి స్పందన రావడంతో సినిమాపై అంచనాలు మరింత పెరిగాయి.