నయనతార బర్త్‌డే సర్‌ప్రైజ్ సోషల్ మీడియాలో హాట్ టాపిక్ ఎందుకైంది?

నయనతార భర్త విఘ్నేష్ శివన్ ఈసారి కూడా అద్భుతమైన బర్త్‌డే సర్‌ప్రైజ్ ఇచ్చాడు. దాదాపు ₹10 కోట్ల విలువ చేసే రోల్స్‌రాయిస్ బ్లాక్ బ్యాడ్జ్ స్పెక్టర్ అనే ఎలక్ట్రిక్ కారును ఆమెకు బహుమతిగా అందించాడు. తన భార్యపై ప్రేమను ఎప్పుడూ ఘనంగా వ్యక్తం చేసే విఘ్నేష్, ఆమె 41 వ పుట్టినరోజును మరింత ప్రత్యేకంగా మార్చాడు.

ఇది విఘ్నేష్ ఆమెకు ఇస్తున్న మొదటి ఖరీదైన గిఫ్ట్ కాదు. ఆమె 39 వ పుట్టినరోజు సందర్భంగా కూడా ఆయన ₹3 కోట్ల విలువైన మేబ్యాక్ కారును బహుమతిగా ఇచ్చాడు. తాజాగా భారత మార్కెట్లోకి వచ్చిన రోల్స్‌రాయిస్ బ్లాక్ బ్యాడ్జ్ స్పెక్టర్ 102 kWh బ్యాటరీ, 659 hp , 1075 Nm టార్క్‌తో 0 నుంచి 100 కిలోమీటర్ల వేగాన్ని కేవలం 4.1 సెకన్లలో అందుకోవడం విశేషం. 23-అంగుళాల ఫోర్జ్డ్ వీల్స్, బ్లాక్ పాంటియాన్ గ్రిల్, స్పిరిట్ ఆఫ్ ఎక్స్టసీ వంటి  ఫీచర్లు దీనిని మరింత ప్రత్యేకంగా నిలబెట్టాయి.

కారు ఇంటీరియర్‌లో 5,500 లైట్లతో అలంకరించిన “స్టార్లిట్ కేబిన్”, గ్యాలక్సీ లాంటి అద్భుత వాతావరణాన్ని సృష్టిస్తుంది. 44,000 కంటే ఎక్కువ బాహ్య రంగు ఆప్షన్స్‌తో రోల్స్‌రాయిస్ ఈ కారును పూర్తిగా ఓనర్ అభిరుచులకు అనుగుణంగా మార్చుకునేలా అవకాశం ఇస్తుంది. ఈ విలాసవంతమైన బహుమతితో విఘ్నేష్, నయనతారపై తన ప్రేమను మరోసారి ఘనంగా రుజువు చేశాడు.