ప్రాంతాలపై నరేష్‌ ఆసక్తికర వ్యాఖ్యలు

తెలుగు సంస్కృతి, ప్రాంతీయ భిన్నత్వంపై సీనియర్‌ నటుడు నరేష్‌ ఆసక్తికర వ్యాఖ్యలు చేశారు. ఒక్కో ప్రాంతానికి ఒక్కో ప్రత్యేకమైన సంస్కృతి, సంప్రదాయం ఉంటుందని పేర్కొన్నారు. తెలంగాణ అంటే కేవలం తాగుడు సంస్కృతి, ఆంధ్రా అంటే కేవలం భోజనం అనే అభిప్రాయాలు సరైనవి కావని అన్నారు. అన్ని ప్రాంతాల సంస్కృతులను గౌరవించాల్సిన అవసరం ఉందని తెలిపారు.

ఇటీవల ఓ సినిమా విషయంలో జరిగిన వివాదంపై స్పందించిన నరేష్‌, తెలుగు సినిమాలన్నీ మనవేనని, వాటి విషయంలో ప్రాంతాల మధ్య విభేదాలు సృష్టించడం సరికాదని అన్నారు. తెలంగాణలోని మారుమూల ప్రాంతాల్లో పర్యటించినప్పుడు అక్కడి సంస్కృతి, సంప్రదాయాలు తనను ఆకట్టుకున్నాయని చెప్పారు. ఒక వ్యక్తి మరణం అనంతరం నిర్వహించే మూడో రోజు కార్యక్రమం గురించి స్థానికులు వివరించిన తీరు తెలంగాణ సంస్కృతిలోని గొప్పతనాన్ని తెలియజేసిందని నరేష్‌ పేర్కొన్నారు.