సొంత ప్రతిభే నా గుర్తింపు: తమన్

సంగీత దర్శకుడు తమన్ తాను ఎప్పుడూ ఇంటిపేరుతో కాకుండా సొంత ప్రతిభతోనే గుర్తింపు పొందాలనుకున్నానని తెలిపారు. ఈ నెల 13న హైదరాబాద్‌లో ‘ఓజీ టూర్’ పేరిట కాన్సర్ట్ నిర్వహించనున్నట్లు చెప్పారు. ఈ కార్యక్రమం ద్వారా వచ్చే ఆదాయాన్ని స్వచ్ఛంద సేవా సంస్థలకు అందజేస్తానని వెల్లడించారు. ఘంటసాల ఇంటిపేరు తనకు పెద్ద బాధ్యతగా అనిపిస్తుందని, ఆ పేరును కాపాడటం కష్టమని భావించి దాన్ని వదులుకున్నానని తెలిపారు.

ప్రస్తుతం బాలకృష్ణ 111వ చిత్రం, చిరంజీవి 158వ సినిమా, ‘లెనిన్’, ‘ఇట్లు అర్జున’ వంటి ప్రాజెక్టులకు సంగీతం అందిస్తున్నట్లు చెప్పారు. వెంకటేశ్–త్రివిక్రమ్ కాంబినేషన్‌లో వస్తున్న ‘ఆదర్శ కుటుంబం’ వినోదాత్మకంగా ఉంటుందని తెలిపారు. ‘ఓజీ టూర్’ను హైదరాబాద్ తర్వాత బెంగళూరు, చెన్నై, విశాఖపట్నంలో నిర్వహించనున్నట్లు వెల్లడించారు.