‘జన నాయగన్’ విడుదలకు వరుస అడ్డంకులు

విజయ్ ప్రధాన పాత్రలో తెరకెక్కిన ‘జన నాయకన్’ చిత్రం విడుదలకు ముందే పలు అడ్డంకులను ఎదుర్కొంటోంది. జనవరి 9న విడుదల చేయాలని నిర్ణయించిన ఈ చిత్రం సెన్సార్ అనుమతి ఆలస్యంతో వాయిదా పడే అవకాశాలు కనిపిస్తున్నాయి. ఇప్పటికే సినిమా లీక్ కావడం చిత్ర బృందంలో ఆందోళన కలిగించింది.

ఇక డిజిటల్ ప్రసార ఒప్పందం విషయంలో కూడా సమస్యలు తలెత్తుతున్నాయి. ముందుగా కుదిరిన ఒప్పందం నిలిచిపోయినట్లు సమాచారం, కొత్త చర్చలు కొనసాగుతున్నాయి. దర్శకుడు వినోద్ తెరకెక్కిస్తున్న ఈ చిత్రంలో రాజకీయ అంశాలు ప్రాధాన్యం పొందినట్లు తెలుస్తోంది. ఇన్ని ఇబ్బందులు ఉన్నప్పటికీ, విజయ్ ప్రజాదరణతో మంచి స్పందన లభించే అవకాశం ఉందని విశ్లేషకులు భావిస్తున్నారు.