మంచు లక్ష్మీ ఇంట్లో సంబరాల హంగామా!

టాలీవుడ్ ప్రముఖ నటి, నిర్మాత మంచు లక్ష్మీ కుమార్తె విద్యా నిర్వాణ ఓణీల వేడుక అట్టహాసంగా జరిగింది. కలెక్షన్ కింగ్ మోహన్ బాబు మనవరాలైన విద్యా నిర్వాణకు సంబంధించిన ఈ సంప్రదాయ కార్యక్రమం కుటుంబ సభ్యులు, సన్నిహితులు, స్నేహితుల సమక్షంలో ఎంతో వైభవంగా నిర్వహించారు.

ఈ వేడుకకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి. తెలుగు సంప్రదాయంలో అమ్మాయిలకు ఎంతో ప్రాముఖ్యంగా జరుపుకునే ఈ ఓణీల కార్యక్రమాన్ని మంచు కుటుంబం ఎంతో ఆత్మీయంగా నిర్వహించినట్లు సమాచారం. ఈ వేడుకకు కేవలం కుటుంబ సభ్యులు, బంధుమిత్రులు, అత్యంత సన్నిహితులు మాత్రమే హాజరైనట్లు తెలుస్తోంది.