వెంకటేష్ – కళ్యాణ్ రామ్ సినిమా లాంచ్ డేట్ ఫిక్స్!

దర్శకుడు అనిల్ రావిపూడి తన తదుపరి చిత్రాన్ని విక్టరీ వెంకటేష్, కళ్యాణ్ రామ్ ప్రధాన పాత్రల్లో తెరకెక్కించనున్నారు. ఈ ప్రాజెక్ట్ ఇప్పటికే అధికారికంగా ప్రకటించబడింది. ప్రీ ప్రొడక్షన్ పనులు దాదాపు పూర్తైనట్లు సమాచారం.

ఈ చిత్ర లాంచింగ్ కార్యక్రమం జూన్ 18న నిర్వహించనున్నట్లు తెలుస్తోంది. అలాగే ఈ నెలాఖరు నుంచి రెగ్యులర్ షూటింగ్ ప్రారంభం కానుంది. వచ్చే ఏడాది జనవరి 13న సంక్రాంతి కానుకగా సినిమాను విడుదల చేయాలనే యోచనలో మేకర్స్ ఉన్నారు.

వెంకటేష్, కళ్యాణ్ రామ్ కాంబినేషన్, అనిల్ రావిపూడి దర్శకత్వం కారణంగా ఈ ప్రాజెక్ట్‌పై భారీ అంచనాలు నెలకొన్నాయి. ఈ చిత్రానికి జీవీ ప్రకాష్ కుమార్ సంగీతం అందించనున్నారు. హీరోయిన్‌గా కృతి శెట్టిని ఫైనల్ చేసినట్లు సమాచారం. ఈ సినిమా ఇప్పటికే ప్రేక్షకుల్లో మంచి ఆసక్తిని రేపుతోంది.