టాక్సిక్ లో బోల్డ్ సీన్స్‌పై కియారా ఫైర్ ?

యష్ నటిస్తున్న ‘టాక్సిక్’ సినిమా మరోసారి వార్తల్లో నిలిచింది. ఈ సినిమాలో నటిస్తున్న కియారా అద్వానీ కొన్ని సన్నివేశాలపై అభ్యంతరం వ్యక్తం చేసినట్లు ప్రచారం జరుగుతోంది. సినిమాలో తనపై చిత్రీకరించిన కొన్ని సన్నివేశాలు తాను ఊహించిన దానికంటే ఎక్కువ బోల్డ్‌గా కనిపిస్తున్నాయని ఆమె భావించినట్లు సమాచారం. దీంతో ఆ సన్నివేశాలను తగ్గించాలని లేదా పూర్తిగా తొలగించాలని చిత్రబృందాన్ని కోరినట్టు టాక్ వినిపిస్తోంది.

తన వ్యక్తిగత ప్రతిష్టకు ఇబ్బంది కలగకుండా ఉండాలనే ఉద్దేశంతోనే కియారా ఈ నిర్ణయం తీసుకున్నట్లు తెలుస్తోంది. ఈ విషయం బయటకు రావడంతో సామాజిక మాధ్యమాల్లో భిన్న అభిప్రాయాలు వ్యక్తమవుతున్నాయి. కొందరు ఆమె నిర్ణయాన్ని సమర్థిస్తుండగా, మరికొందరు చిత్రీకరణ పూర్తయ్యాక ఇలా చెప్పడం సరైందేనా అని ప్రశ్నిస్తున్నారు. దర్శకురాలు గీతూ మోహన్ దాస్ ఈ విషయంలో ఎలా స్పందిస్తారో అన్న ఆసక్తి నెలకొంది. ఈ వివాదం సినిమాపై మరింత ఆసక్తిని పెంచింది.