ఫుల్ సాంగ్‌తో అదరగొట్టిన ‘జిమ్ జిమ్ తార’.. వైరల్‌గా పర్ణశాల పాట

‘పర్ణశాల’ సినిమా నుంచి విడుదలైన ‘జిమ్ జిమ్ తార.. జిమ్ జిమ్ తార.. జిలేబీ తేరా చిన్నోడా’ పాట సోషల్ మీడియాలో ట్రెండింగ్‌లో నిలుస్తోంది. పూర్తి పాట అధికారికంగా విడుదల కాకముందే సెలబ్రిటీలు, నెటిజన్లు ఈ పాటకు రీల్స్, వీడియోలు చేస్తూ సందడి చేశారు. తాజాగా చిత్ర యూనిట్ ఆదిత్య మ్యూజిక్ ద్వారా పూర్తి పాటను యూట్యూబ్‌లో విడుదల చేసింది. మాస్ బీట్, క్యాచీ లిరిక్స్‌తో ఈ పాట శ్రోతలను ఆకట్టుకుంటోంది.

ఈ పాటను జి. లక్ష్మిదేవి స్వయంగా రచించి ఆలపించారు. పాట ప్రోమోకే వేల సంఖ్యలో రీల్స్, మీమ్స్ రావడంతో సినిమాపై అంచనాలు పెరిగాయని దర్శకుడు వై.జి. భరత్ తెలిపారు. ఎస్‌ఎల్‌టీ ఫిలిమ్స్ బ్యానర్‌పై మంచి వెంకట్ నిర్మిస్తున్న ఈ చిత్రానికి వై.జి. భరత్ దర్శకత్వం వహిస్తున్నారు. హారర్, కామెడీ, సస్పెన్స్ అంశాలతో రూపొందుతున్న ‘పర్ణశాల’ త్వరలో థియేటర్లలోకి రానుంది. సినిమా విడుదల తేదీని మేకర్స్ త్వరలో ప్రకటించనున్నారు.