పెద్ది ప్రమోషన్స్ చివరి దశలోకి వెళ్లాయా ?

“పెద్ది” సినిమా ప్రమోషన్స్ ఇప్పుడు ఫుల్ స్పీడ్‌లోకి వెళ్లాయి. విడుదలకు ఇంకా సుమారు ఒక నెల మాత్రమే ఉండటంతో, మేకర్స్ కొత్త ప్రమోషనల్ కంటెంట్‌తో పాటు మరో రెండు పాటలను విడుదల చేయాలని ప్లాన్ చేస్తున్నారు.

అయితే ప్రేక్షకులు ట్రైలర్ కోసం ఆసక్తిగా ఎదురుచూస్తున్నారు. బుచ్చి బాబు సనా దర్శకత్వంలో తెరకెక్కుతున్న ఈ ట్రైలర్, కథలోని ప్రధాన అంశాన్ని చూపించనుందని తెలుస్తోంది. రామ్ చరణ్ ఉత్తరాంధ్ర ప్రాంతానికి చెందిన బహుముఖ క్రీడాకారుడిగా కనిపించనున్న ఈ స్పోర్ట్స్ డ్రామా భావోద్వేగాలతో పాటు యాక్షన్ అంశాలతో ఆకట్టుకోనుంది.