ధూల్‌పేట్ పోలీస్ స్టేషన్: OTTలో హిట్ క్రైమ్ థ్రిల్లర్

aha ఒరిజినల్ క్రైమ్ థ్రిల్లర్ వెబ్ సిరీస్ ధూల్‌పేట్ పోలీస్ స్టేషన్ ప్రేక్షకుల నుంచి అద్భుతమైన స్పందన అందుకుంటోంది. మొత్తం 50 ఎపిసోడ్‌లతో రూపొందిన ఈ సిరీస్ ఇప్పటికే 100 మిలియన్‌కు పైగా వీక్షణ నిమిషాలను సాధించి సంచలనం సృష్టించింది. తెలుగు మాత్రమే కాకుండా తమిళ ప్రేక్షకులను కూడా ఆకట్టుకుంటున్న ఈ సిరీస్‌కు జస్విని దర్శకత్వం వహించగా, అశ్విన్, శ్రీతూ, పడిని కుమార్, గురు, ప్రీతి శర్మ తదితరులు కీలక పాత్రల్లో నటించారు.

అశ్వతన్ సంగీతం అందించిన ఈ సిరీస్ కథ ఒకే రాత్రిలో ధూల్‌పేట్ పోలీస్ స్టేషన్ పరిధిలో జరిగే మూడు హత్యల చుట్టూ తిరుగుతుంది. ఈ కేసును ఇద్దరు శక్తివంతమైన పోలీస్ అధికారులు ఎలా ఛేదించారన్నదే ప్రధాన కథాంశం. ఏసీపీ అశ్విన్ నేతృత్వంలో సాగే దర్యాప్తు, ఊహించని మలుపులతో ప్రేక్షకులను చివరి వరకు ఉత్కంఠగా కట్టిపడేస్తోంది.