అనిరుధ్ రవిచందర్ ‘అల్బుకర్క్యూ రికార్డ్స్’తో యూనివర్సల్ మ్యూజిక్ ఇండియా భాగస్వామ్యం

ప్రఖ్యాత సంగీత దర్శకుడు మరియు గాయకుడు అనిరుధ్ రవిచందర్ కొత్త స్వతంత్ర రికార్డ్ లేబుల్ ‘అల్బుకర్క్యూ రికార్డ్స్’ స్థాపించి, దాని కోసం యూనివర్సల్ మ్యూజిక్ ఇండియాతో ప్రత్యేక భాగస్వామ్యాన్ని ప్రకటించారు. ఈ భాగస్వామ్యం ద్వారా దక్షిణ భారతీయ సంగీత మార్కెట్లో పాప్, హిప్-హాప్ వంటి ప్రధాన సంగీత శైలాల్లో అనిరుధ్ మరియు ఇతర కళాకారుల భవిష్యత్ ప్రాజెక్టులు విస్తృత ప్రాచుర్యం పొందబోతున్నాయి. ఈ లేబల్ కింద మొదటి ప్రాజెక్ట్‌లో అనిరుధ్ స్వయంగా పాల్గొని, ఏప్రిల్ నెలలో విడుదల చేయాలని ప్రణాళిక రూపొందించబడింది.

గత 15 సంవత్సరాల్లో అనిరుధ్ సాధించిన విజయాలు విశేషమైనవి. వై దిస్ కొలవెరి డి వంటి హిట్స్ ద్వారా ఆయన గ్లోబల్ గుర్తింపును సంపాదించగా, 770కి పైగా పాటలతో 13 బిలియన్ ఆడియో స్ట్రీమ్స్‌ను చేరుకున్నారు. స్పాటిఫైలో దక్షిణ భారతీయ కళాకారులలో అతను అత్యధిక స్ట్రీమ్స్ సాధించిన నంబర్-1 స్థానం పొందాడు. తమిళ, తెలుగు, కన్నడ, మలయాళం భాషలలో ఆయన సృష్టించిన పాటలు ప్రపంచవ్యాప్తంగా హిట్‌గా నిలిచాయి, వాటిలో హుకుమ్, వాతీ కమింగ్, అరబిక్ కుతు, మోనికా,ఎ23 థీమ్, ఆజా రాజా, అయా షేర్ వంటి పాటలు ఉన్నాయి.

యూనివర్సల్ మ్యూజిక్ ఇండియా అధికారులు మరియు అనిరుధ్ ఈ భాగస్వామ్యం ద్వారా స్వతంత్ర కళాకారుల ప్రతిభను ప్రోత్సహించి, వారి సంగీతాన్ని ప్రపంచ వేదికపై పరిచయం చేయాలని లక్ష్యంగా పేర్కొన్నారు. ఇది భవిష్యత్తులో దక్షిణ భారతీయ సంగీతాన్ని ప్రపంచ వ్యాప్తంగా గుర్తింపును అందించే వేదికగా మారనుంది. భాగస్వామ్యం ద్వారా యూనివర్సల్ మ్యూజిక్ ఇండియా పాప్, హిప్-హాప్ సంగీత రంగాలలో ప్రాతినిధ్యాన్ని మరింత బలోపేతం చేసుకుంటుంది.

సనుజీత్ భుజబల్, మేనేజింగ్ డైరెక్టర్, యూనివర్సల్ మ్యూజిక్ ఇండియా, ఈ భాగస్వామ్యంపై మాట్లాడుతూ, అనిరుధ్ రవిచందర్ చాలా కాలంగా సంగీతానికి అతీతంగా సృజనాత్మక ప్రపంచాన్ని ప్రభావితం చేస్తూ వచ్చిన ప్రముఖ శక్తి. సినిమాల కోసం ఆయన అందించిన అనేక హిట్ పాటలతో పాటు, ఆయన సృజనాత్మక కృషిని ఎంతో ఆసక్తిగా అనుసరించే విస్తారమైన అభిమాన వర్గాన్ని కూడా సంపాదించారు.