తాతాయుగుంట అమ్మవారిని, తిరుమల శ్రీవారిని దర్శించుకున్న నటి అనన్య నాగళ్ళ

వకీల్ సాబ్, మల్లేశం, పొట్టేల్, తంత్ర చిత్రాల ద్వారా గుర్తింపు పొందిన నటి అనన్య నాగళ్ళ నిన్న తాతాయుగుంట అమ్మవారిని దర్శించుకున్నారు. అనంతరం తిరుమల శ్రీ వెంకటేశ్వర స్వామివారిని కూడా భక్తి భావంతో దర్శించుకున్నారు. తాతాయుగుంట ఆలయ చైర్మన్ మహేష్ యాదవ్ ఆమెను ఆహ్వానించి పూజా కార్యక్రమాలు నిర్వహించి తీర్థప్రసాదాలు అందజేశారు. ఒక తమిళ చిత్రం చిత్రీకరణ పూర్తి చేసిన సందర్భంగా ఆమె ఈ దేవాలయాలను సందర్శించినట్లు తెలిపారు.

ఈ సందర్భంగా అనన్య నాగళ్ళ మాట్లాడుతూ, తాతాయుగుంట అమ్మవారి దేవాలయ విశిష్టత గురించి ఎన్నోసార్లు విన్నానని, ఇప్పుడు దర్శనం పొందడం తన అదృష్టంగా భావిస్తున్నానని చెప్పారు. గతంలో కూడా పలువురు సినీ ప్రముఖులు ఈ ఆలయాన్ని సందర్శించిన విషయాన్ని గుర్తుచేశారు. అలాగే శనివారం ఉదయం ప్రత్యేక దర్శన సమయంలో శ్రీవారి ఆశీస్సులు అందుకున్నారని, ఎప్పుడైనా ఎక్కడ ఉన్నా తనలో దైవభక్తి నిలిచి ఉంటుందని ఆమె వెల్లడించారు.