జితు మాధవన్‌ డైరెక్షన్ లో సూర్య 47వ మూవీ, షూటింగ్ స్టార్ట్!

కోలీవుడ్ స్టార్ సూర్య నటిస్తున్న 47 వ చిత్రం సూర్య47 (వర్కింగ్ టైటిల్) నేడు చెన్నైలో జరిగిన సాంప్రదాయ పూజా కార్యక్రమంతో అధికారికంగా ప్రారంభమైంది. ఆవేశం చిత్రంతో విస్తృత గుర్తింపు పొందిన మలయాళ దర్శకుడు జితు మాధవన్ ఈ సినిమాకు దర్శకత్వం వహిస్తున్నారు. ప్రారంభం నుంచే భారీ అంచనాలు నెలకొల్పిన ఈ చిత్రం జఘరం స్టూడియోస్ నిర్మాణంలో రూపొందుతోంది. నజ్రియా నజీం కథానాయికగా నటించగా, విజయవంతమైన మలయాళ చిత్రాలతో గుర్తింపు పొందిన నస్లెన్ కీలక పాత్రలో కనిపించబోతున్నారు. ఈ కార్యక్రమానికి నిర్మాత జ్యోతిక, నటుడు కార్తి, 2D ఎంటర్‌టైన్‌మెంట్‌ రాజశేఖర్ పాండియన్, డ్రీమ్ వారియర్ పిక్చర్స్ నిర్మాతలు ఎస్.ఆర్. ప్రకాష్, ఎస్.ఆర్. ప్రభు తదితరులు హాజరై శుభాకాంక్షలు తెలిపారు.

పూజా అనంతరం చిత్రీకరణ కూడా అధికారికంగా ప్రారంభమైంది. కొత్త ఇండస్ట్రీలో, సూర్యలాంటి స్టార్‌తో పని చేయడం తనకు మరింత ఉత్సాహాన్ని ఇస్తోందని, ప్రేక్షకులు తమ బృందం అందించబోయే కొత్తదనాన్ని తప్పకుండా ఆస్వాదిస్తారని దర్శకుడు జితు మాధవన్ తెలిపారు. నటీనటుల్లో జాన్ విజయ్, ఆనందరాజ్ మరియు పలువురు ప్రముఖులు ఉన్నారు. ఈ చిత్రానికి  వినీత్ ఉన్ని పాలోడే సినిమాటోగ్రఫీ, సుషిన్ శ్యామ్ సంగీతం, అశ్విని కళే ప్రొడక్షన్ డిజైన్, అజ్మల్ సాబు ఎడిటింగ్, చేతన్ డి’సౌజా స్టంట్ మాస్టర్‌గా పనిచేస్తున్నారు. రాబోయే షెడ్యూళ్లలో షూటింగ్ పురోగతిపై మరిన్ని వివరాలు వెల్లడించబడనున్నాయి.