సుకుమార్ – రామ్ చరణ్ రీయూనియన్‌లో హీరోయిన్ ఎవరు?

టాలీవుడ్‌లో రామ్ చరణ్ తదుపరి పాన్ ఇండియా ప్రాజెక్ట్ (RC17)కు హీరోయిన్ ఎంపికపై భారీ బజ్ నడుస్తోంది. రంగస్థలం తర్వాత సుకుమార్‌తో మళ్లీ కలిసి చరణ్ నటిస్తున్న ఈ సినిమాకు ఇప్పటికే భారీ అంచనాలు నెలకొన్నాయి, స్క్రిప్ట్ వర్క్ పూర్తయింది, ప్రీ - ప్రొడక్షన్ జోరుగా సాగుతోంది. రంగస్థలంలో సమంత క్యారెక్టర్ ఎంత పాపులర్ అయ్యిందో తెలిసిందే, అదే తరహాలో ఈ సినిమాలో హీరోయిన్ రోల్ కూడా కీలకంగా ఉంటుంది. ఇండస్ట్రీ వర్గాల్లో వినిపిస్తున్న టాక్ ప్రకారం, కన్నడ యంగ్ హీరోయిన్ రుక్మిణి వసంత్‌ను ఈ పాత్రకు ఎంపిక చేసినట్టు సమాచారం.

సప్త సాగరాలు దాటి, కాంతార చాప్టర్ 1 సినిమాలతో దక్షిణాదిలో భారీ క్రేజ్ సంపాదించిన రుక్మిణి వసంత్ ప్రస్తుతం యష్ 'టాక్సిక్', ఎన్టీఆర్ - ప్రశాంత్ నీల్ పాన్ ఇండియా ప్రాజెక్ట్‌లో బిజీగా ఉంది. సుకుమార్ స్క్రిప్ట్‌కు ఆమె క్యారెక్టర్ పర్ఫెక్ట్‌గా సెట్ అవుతుందని టాక్. పెద్ది సినిమా పూర్తయిన తర్వాత 2026 సమ్మర్‌లో ఈ ప్రాజెక్ట్ షూటింగ్ స్టార్ట్ అవుతుంది. రుక్మిణి ఎంపిక ఖరారైతే ఆమె కెరీర్ మరో స్థాయికి చేరుతుంది, తెలుగు ప్రేక్షకుల్లో ఆమెకున్న ఫాలోయింగ్‌తో మెగా ఫ్యాన్స్ కూడా సూపర్ ఖుషీ అవుతారు. అధికారిక ప్రకటన కోసం అభిమానులు ఎదురుచూస్తున్నారు.