టాక్సిక్ కి సంగీతం అందిస్తున్న రవి బస్రూర్

యష్ ప్రధాన పాత్రలో నటిస్తున్న ‘టాక్సిక్’ సినిమా పోస్ట్-ప్రొడక్షన్ దశలో ఉంది. గీతూ మోహన్ దాస్ దర్శకత్వం వహిస్తున్న ఈ చిత్రానికి మొదట అనిరుధ్ రవిచందర్ సంగీతం అందిస్తారని ప్రకటించారు. అయితే, ఆయన బిజీ షెడ్యూల్స్ కారణంగా ఇప్పుడు అతని స్థానంలో రవి బస్రూర్‌ను తీసుకొచ్చే ప్రయత్నాలు జరుగుతున్నాయని సమాచారం.

యష్ కు KGF ఫ్రాంచైజ్‌తో భారీ విజయాన్ని ఇచ్చిన రవి బస్రూర్ మళ్లీ ఈ సినిమాకి సంగీతం అందిస్తారని అభిమానుల్లో భారీ ఆసక్తి ఉంది. తాజా బజ్ ప్రకారం, మొత్తం సౌండ్‌ట్రాక్‌ని రవీ బస్రూర్ చూసుకుంటూ, యశ్‌తో నిరంతరం చర్చల్లో ఉన్నట్టు తెలుస్తోంది. ఇప్పటికే ఆయన ఈ సినిమా గ్లింప్స్‌కు సంగీతం కంపోజ్ చేసిన సంగతి తెలిసిందే. అయితే, పూర్తి స్థాయి కన్ఫర్మేషన్ కోసం అధికారిక ప్రకటన ఇంకా రావాల్సి ఉంది.