ఫుల్ స్పీడ్‌లో ఫౌజీ పోస్ట్ ప్రొడక్షన్ పనులు?

ప్రభాస్ నటిస్తున్న ‘ఫౌజీ’పై అభిమానుల్లో భారీ అంచనాలు నెలకొన్నాయి. ప్రస్తుతం షూటింగ్‌కు తాత్కాలిక విరామం ఉన్నప్పటికీ, మరోవైపు సినిమా పోస్ట్ ప్రొడక్షన్ పనులు మాత్రం వేగంగా కొనసాగుతున్నట్లు సమాచారం. ముఖ్యంగా భారీ యాక్షన్ సన్నివేశాలకు సంబంధించిన విజువల్ ఎఫెక్ట్స్ పనులను మేకర్స్ ప్రత్యేకంగా పర్యవేక్షిస్తున్నట్లు తెలుస్తోంది. సినిమాను అంతర్జాతీయ స్థాయి ప్రమాణాలతో తెరకెక్కించేందుకు ప్రత్యేక శ్రద్ధ తీసుకుంటున్నారని సినీ వర్గాల్లో చర్చ జరుగుతోంది.

సెప్టెంబర్ 15 వరకు ‘ఫౌజీ’ షూటింగ్‌కు ప్రభాస్ విరామం ఇచ్చినట్లు సమాచారం. ఆయనకు ఇంకా సుమారు 20 రోజుల చిత్రీకరణ మాత్రమే మిగిలి ఉన్నట్లు తెలుస్తోంది. చివరి షెడ్యూల్ పూర్తయితే ప్రధాన షూటింగ్ మొత్తం ముగిసే అవకాశం ఉంది. అదే సమయంలో పోస్ట్ ప్రొడక్షన్ పనులను ఆపకుండా కొనసాగిస్తున్నారని సమాచారం. ముఖ్యంగా భారీ యాక్షన్ బ్లాక్స్‌కు సంబంధించిన విజువల్ ఎఫెక్ట్స్ కోసం అమెరికాకు చెందిన ప్రముఖ సంస్థలు పనిచేస్తున్నట్లు తెలుస్తోంది. పీరియాడిక్ నేపథ్యంతో రూపొందుతున్న ఈ చిత్రాన్ని మైత్రి మూవీ మేకర్స్ భారీ బడ్జెట్‌తో నిర్మిస్తోంది. ప్రభాస్ అభిమానులకు తగ్గ స్థాయిలో సినిమాను తీర్చిదిద్దుతున్నట్లు తెలుస్తోంది.