భారీ సినిమాలకు బ్రేక్..శంకర్ కొత్త దారి?

ఒకప్పుడు భారతీయ సినిమాను అంతర్జాతీయ స్థాయికి తీసుకెళ్లిన దర్శకుల్లో శంకర్ పేరు ముందుంటుంది. భారీ బడ్జెట్‌లు, గ్రాండ్ విజువల్స్, సామాజిక సందేశాలతో ఆయన రూపొందించిన సినిమాలు ప్రత్యేక గుర్తింపు పొందాయి. అయితే ఇటీవల కొన్ని సినిమాలు ఆశించిన ఫలితాలు ఇవ్వకపోవడంతో ఆయన కెరీర్ కీలక దశలోకి చేరింది.

ఈ నేపథ్యంలో శంకర్ భారీ ప్రాజెక్ట్‌లకు విరామం ఇచ్చి, తక్కువ సమయంలో పూర్తయ్యే ఫాస్ట్ యాక్షన్ థ్రిల్లర్‌పై దృష్టి పెట్టినట్లు సమాచారం. కథా చర్చలు పూర్తయ్యాయని, నటీనటుల ఎంపిక జరుగుతోందని తెలుస్తోంది. భారీ బడ్జెట్ కంటే కంటెంట్‌కు ప్రాధాన్యం ఇచ్చే విధంగా ఈ ప్రాజెక్ట్‌ను రూపొందించనున్నారని సినీ వర్గాలు చెబుతున్నాయి.