బెదురులంక డైరెక్టర్ క్లాక్స్ స్టోరీ కి గ్రీన్ సిగ్నల్ ఇచ్చిన నాగ చైతన్య

హీరోకు ఒక కథ బాగా నచ్చితే, సినిమా దాదాపు ఫైనల్ అయినట్టే. ఇప్పుడు నాగ చైతన్యకు కూడా అలాంటి అనుభవమే ఎదురైంది. గతంలో బెదురులంక అనే సినిమా అందించిన క్లాక్స్ ఆ కథను తయారు చేసారు. ముందుగా పాయింట్ చైతూ కి చెప్పారు. ఆ ఐడియా ఆయనకు వెంటనే నచ్చడంతో, పూర్తి కథను రెడీ చేశారు. కథ మొత్తం విన్న తర్వాత చైతన్యకు మరింతగా నచ్చింది. దీంతో ఈ సినిమా ఇప్పుడు పట్టాలు ఎక్కడానికి సిద్ధమవుతోంది.

ఈ సినిమా పూర్తిగా డిఫరెంట్ లైన్‌లో ఉండబోతుందని సమాచారం. గతంలో విజయ్ సేతుపతి నటించిన మహారాజ సినిమా తరహాలో, హీరోయిజం అంటే పాటలు, డ్యాన్స్‌లు మాత్రమే కాకుండా బలమైన కథ కూడా ఉంటుందని చూపించే ప్రయత్నం ఇందులో ఉంటుందట. కథ ప్రిడిక్టబుల్‌గా లేకుండా ఆసక్తిగా సాగుతుందని చెబుతున్నారు.

దర్శకుడు ఈ కథను చాలా జాగ్రత్తగా డిజైన్ చేయగా, చైతన్య ఓకే చెప్పారు. రెండు ప్రతిష్టాత్మక బ్యానర్లు కలిసి ఈ సినిమాను నిర్మించే అవకాశం కూడా ఉందని టాక్. ప్రస్తుతం చైతన్య దర్శకుడు కార్తీక్ దండు తెరకెక్కిస్తున్న భారీ మిస్టిక్ థ్రిల్లర్‌లో నటిస్తున్నారు. ఆ సినిమా పూర్తయ్యాక ఈ కొత్త ప్రాజెక్ట్ ప్రారంభమయ్యే అవకాశాలు ఉన్నాయి.