ఎస్పీ బాలసుబ్రహ్మణ్యం జయంతి సందర్భంగా వైఎస్ జగన్ ఘన నివాళులు

వై.ఎస్. జగన్మోహన్ రెడ్డి ప్రముఖ గాన గంధర్వుడు, పద్మవిభూషణ్ పురస్కార గ్రహీత ఎస్పీ బాలసుబ్రహ్మణ్యం జయంతి సందర్భంగా ఘన నివాళులు అర్పించారు. తన అమృత గాత్రంతో సంగీతానికి భాషా, ప్రాంతీయ సరిహద్దులు లేవని ప్రపంచానికి చాటిచెప్పిన మహానుభావుడిగా ఆయనను కొనియాడారు.

వేలాది పాటలు ఆలపించినప్పటికీ ప్రతి పాటలో కొత్త భావాన్ని, కొత్త అనుభూతిని అందించిన మహాగాయకుడిగా ఎస్పీ బాలసుబ్రహ్మణ్యంను జగన్ గుర్తు చేసుకున్నారు. తన అసాధారణ గాన ప్రతిభతో తెలుగు ప్రజల హృదయాల్లోనే కాక ప్రపంచవ్యాప్తంగా సంగీతాభిమానుల మనసుల్లో శాశ్వత స్థానం సంపాదించుకున్నారని పేర్కొన్నారు.