టాంకాం-పోగ్లీ ఒప్పందం.. తెలంగాణ యువతకు జపాన్‌లో ఉద్యోగ అవకాశాలు

తెలంగాణ యువతకు విదేశాల్లో నైపుణ్య ఆధారిత ఉపాధి అవకాశాలను పెంచే దిశగా తెలంగాణ ఓవర్సీస్ మ్యాన్‌పవర్ కంపెనీ లిమిటెడ్ (టాంకాం) కీలక ఒప్పందం చేసుకుంది. జపాన్‌కు చెందిన POGLI Co. Ltdతో టాంకాం అవగాహన ఒప్పందం కుదుర్చుకుంది. హైదరాబాద్‌లోని సచివాలయంలో మంత్రి వివేక్ వెంకటస్వామి, ఉన్నతాధికారుల సమక్షంలో ఈ ఒప్పందం జరిగింది.

ఒప్పందం ప్రకారం జపాన్‌లోని కంపెనీలతో సంబంధాలు ఏర్పరచుకుని ఉద్యోగ అవకాశాలను గుర్తించే బాధ్యతను POGLI చేపట్టనుంది. అభ్యర్థుల ఎంపిక, రిజిస్ట్రేషన్, ప్రాథమిక స్క్రీనింగ్, డాక్యుమెంటేషన్, జపనీస్ భాషా శిక్షణ, ప్రీ-డిపార్చర్ శిక్షణను టాంకాం నిర్వహించనుంది. ట్రేడ్ నైపుణ్యాలు, జపనీస్ భాషా ప్రావీణ్యం, పని సంస్కృతి, జీవన విధానంపై ఉమ్మడి శిక్షణ అందించనున్నారు. తొలుత కన్సాయ్ ప్రాంతంపై దృష్టి సారించి, తొలి ఏడాదిలో 400–500 మంది తెలంగాణ యువతకు ఉద్యోగాలు కల్పించే లక్ష్యంతో పనిచేయనున్నారు.