ఒంగోలు మేయర్‌ పీఠం టీడీపీ కైవసం..

ప్రకాశం జిల్లా ఒంగోలు నగరపాలక సంస్థ మేయర్‌ పీఠాన్ని తెలుగుదేశం పార్టీ కైవసం చేసుకుంది. టీడీపీ అభ్యర్థి నల్లమల్లి శ్రీశిల్ప ఘన విజయం సాధించారు. వైఎస్సార్‌సీపీ అభ్యర్థి కుప్పం ప్రసాద్‌పై 37,172 ఓట్ల భారీ మెజారిటీతో గెలుపొందారు. ఈ విజయంతో ఒంగోలులో కూటమి శ్రేణులు సంబరాలు చేసుకుంటున్నాయి.

ఒంగోలు నగరపాలక సంస్థలో మొత్తం 62 డివిజన్లు ఉండగా.. టీడీపీ 39 స్థానాల్లో, వైఎస్సార్‌సీపీ 11 స్థానాల్లో, జనసేన 8 స్థానాల్లో, భాజపా ఒక స్థానంలో విజయం సాధించాయి. ఇతరులు మూడు స్థానాలను దక్కించుకున్నారు. షెడ్యూల్‌ ప్రకారం ఓట్ల లెక్కింపు నిన్న ఉదయం 7 గంటలకు ప్రారంభం కావాల్సి ఉండగా.. భారీ వర్షాల కారణంగా ఆలస్యమైంది. దీంతో ఓట్ల లెక్కింపు ప్రక్రియ ఇవాళ మధ్యాహ్నం ముగిసింది.