సుప్రీంకోర్టులో తమిళనాడు కరూర్ బాధితులకు ఊరట

తమిళనాడులోని కరూర్ ఘటన బాధితులకు సుప్రీంకోర్టులో ఊరట లభించింది. బాధితులకు టీవీకే ప్రభుత్వం కల్పించిన ఉద్యోగాలు చెల్లవంటూ మద్రాస్ హైకోర్టు ఇచ్చిన ఉత్తర్వుల అమలుపై సుప్రీంకోర్టు స్టే విధించింది. దీంతో హైకోర్టు తీర్పుతో అనిశ్చితిలో పడిన బాధితులకు తాత్కాలికంగా ఉపశమనం లభించింది. బాధితుల పునరావాసం, ఉపాధి కల్పనకు సంబంధించిన అంశంలో సుప్రీంకోర్టు జోక్యం కీలకంగా మారింది.

కరూర్ ఘటనలో ప్రభావితమైన కుటుంబాలకు ప్రభుత్వం ఉద్యోగాలు కల్పించింది. అయితే ఆ నియామకాలు నిబంధనలకు అనుగుణంగా లేవంటూ మద్రాస్ హైకోర్టు వాటిని చెల్లవని పేర్కొంది. దీనిపై బాధితుల తరఫున సుప్రీంకోర్టును ఆశ్రయించగా, హైకోర్టు ఉత్తర్వులపై స్టే విధిస్తూ సుప్రీంకోర్టు నిర్ణయం తీసుకుంది. తాజా పరిణామంతో ఉద్యోగాలు కోల్పోతామనే ఆందోళనలో ఉన్న కరూర్ బాధితులకు ఊరట లభించింది.