కొత్త కరోనా ఉపవేరియంట్ ‘సికాడా’ వెలుగులోకి!

కోవిడ్-19 మళ్లీ రూపాంతరం చెందుతూ బి.ఏ.3.2 అనే కొత్త ఉపవేరియంట్ వెలుగులోకి వచ్చింది. దీనిని శాస్త్రవేత్తలు ‘సికాడా’ గా పిలుస్తున్నారు. ఈ వైరస్ ప్రస్తుతం అమెరికా, దక్షిణాఫ్రికా, యూరప్ ప్రాంతాల్లో గుర్తించబడింది. ఇది ఒమిక్రాన్ కుటుంబానికి చెందినదిగా ఉండి, ఇందులో 70 కి పైగా మార్పులు ఉన్నాయని నిపుణులు చెబుతున్నారు. దీని వల్ల వ్యాప్తి వేగంగా ఉండే అవకాశముందని భావిస్తున్నారు.

లక్షణాల పరంగా ఇది పాత రూపంతో పోలి ఉండి, దగ్గు, గొంతు నొప్పి, అలసట, ముక్కు సమస్యలు, తలనొప్పి వంటి సమస్యలు కనిపించవచ్చు. అయితే తీవ్ర అనారోగ్యం కలిగించే సూచనలు ఇప్పటివరకు లేవని నిపుణులు చెబుతున్నారు. ప్రజలు భయపడాల్సిన అవసరం లేకుండా, టీకాలు తీసుకోవడం, గుంపుల్లో మాస్క్ ధరించడం, చేతులు శుభ్రంగా ఉంచుకోవడం వంటి జాగ్రత్తలు పాటించాలని సూచిస్తున్నారు.