డ్రగ్స్ లేని సమాజాన్ని నిర్మించేందుకు చేతులు కలపాలి - పవన్ కళ్యాణ్

డ్రగ్స్ రహిత సమాజ నిర్మాణం కోసం ప్రతి ఒక్కరూ చేతులు కలపాలని ఉప ముఖ్యమంత్రి పవన్ కళ్యాణ్ పిలుపునిచ్చారు. మాదకద్రవ్యాలు కేవలం వ్యక్తిగత సమస్య మాత్రమే కాదని, అవి సమాజాన్ని, కుటుంబాలను, యువత భవిష్యత్తును నిశ్శబ్దంగా దెబ్బతీసే ప్రమాదకరమైన అంశమని ఆయన పేర్కొన్నారు.

అంతర్జాతీయ మాదకద్రవ్యాల దుర్వినియోగం మరియు అక్రమ రవాణా వ్యతిరేక దినోత్సవం సందర్భంగా స్పందించిన పవన్ కళ్యాణ్, డ్రగ్స్ రహిత సమాజం కోసం చేపట్టే ప్రతి కార్యక్రమానికి తన పూర్తి మద్దతు ఉంటుందని తెలిపారు. యువతను మాదకద్రవ్యాల బారిన పడకుండా కాపాడేందుకు అందరూ కలిసి పనిచేయాలని ఆయన పిలుపునిచ్చారు.