హెచ్-1బి వీసాదారులపై జేడీ వాన్స్ వ్యాఖ్యలను ఖండించిన భారత్

అమెరికా కార్మిక శాఖ చేసిన ప్రకటనపై భారత్ స్పందించింది. అమెరికా ఉపాధ్యక్షుడు జేడీ వాన్స్‌ హెచ్-1బి వీసాదారులను ఉద్దేశించి ఉపయోగించిన ‘ఇండెంచర్డ్ లేబర్’ (ఒప్పంద బద్ధ కార్మికులు) అనే పదజాలంపై భారత్ అభ్యంతరం వ్యక్తం చేసింది. ఈ తరహా వ్యాఖ్యలు బాధాకరమైన చారిత్రక, వలసవాద నేపథ్యాన్ని గుర్తుచేస్తాయని, అలాంటి పదాలను ఉపయోగించడం తీవ్ర అభ్యంతరకరమని పేర్కొంది.

భారత్, అమెరికా మధ్య ఉన్న ఉమ్మడి లక్ష్యాలను సాధించేందుకు అమెరికా ప్రకటించిన చర్యలు దోహదపడవని భారతదేశం స్పష్టం చేసింది. హెచ్-1బి వీసాదారులను అలా వర్ణించడం అనవసరమని, సమర్థనీయం కాదని అభిప్రాయపడింది. ఇరు దేశాల మధ్య సంబంధాలు, పరస్పర సహకారం కీలకంగా ఉన్న సమయంలో ఇలాంటి వ్యాఖ్యలు చేయడం సరైన విధానం కాదన్న సంకేతాన్ని భారత్ ఇచ్చింది.