తెలంగాణలో భారీ వర్షాలు... పలు జిల్లాలకు ఆరెంజ్ అలర్ట్ జారీ

తెలంగాణలో నేడు, రేపు భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. పలు జిల్లాలకు ఆరెంజ్ అలర్ట్ జారీ చేయడంతో ప్రజలను అప్రమత్తంగా ఉండాలని సూచించారు. రాబోయే నాలుగు రోజుల్లో ఉష్ణోగ్రతలు 4 డిగ్రీల వరకు తగ్గే అవకాశం ఉందని తెలిపారు.

ఛత్తీస్‌గఢ్ ప్రాంతంలో ఉపరితల ఆవర్తనం కొనసాగుతుండగా, విదర్భ–తెలంగాణ–రాయలసీమ మీదుగా ఉపరితల ద్రోణి ప్రభావం చూపుతోంది. ఈ వాతావరణ పరిస్థితుల కారణంగా రాష్ట్రంలో వర్షాలు మరింత పెరిగే అవకాశం ఉందని అధికారులు పేర్కొన్నారు.