సాన్ ఫ్రాన్సిస్కోలో డిప్యూటీ సీఎం భట్టికి ఘన స్వాగతం

అమెరికా పర్యటనలో భాగంగా సాన్ ఫ్రాన్సిస్కో చేరుకున్న తెలంగాణ ఉప ముఖ్యమంత్రి మల్లు భట్టి విక్రమార్కకు విమానాశ్రయంలో ఘన స్వాగతం లభించింది. భారత కాన్సులేట్ జనరల్ నహజ్ అలీతో పాటు ఇండియన్ ఓవర్సీస్ కాంగ్రెస్ నాయకులు, ప్రవాస తెలంగాణవాసులు, అభిమానులు పెద్ద సంఖ్యలో హాజరై ఆయనకు సాదర స్వాగతం పలికారు.

భారత విదేశాంగ మంత్రిత్వ శాఖ మరియు స్థానిక ఎన్ఆర్ఐ సంస్థల ఆధ్వర్యంలో శుక్రవారం సాయంత్రం 6 గంటలకు కాన్సులేట్ కార్యాలయంలో ప్రత్యేక ‘మీట్ అండ్ గ్రీట్’ కార్యక్రమం నిర్వహించనున్నారు. ఈ కార్యక్రమానికి ముఖ్య అతిథిగా భట్టి విక్రమార్క హాజరై కాన్సులేట్ అధికారులు, ప్రవాస భారతీయులతో సమావేశం కానున్నారు.