నాలుగేళ్లలోపు చిన్నారులకు ఈ మందులు వద్దు.. కేంద్రం కీలక నిర్ణయం

నాలుగేళ్లలోపు చిన్నారుల ఆరోగ్య భద్రతను దృష్టిలో పెట్టుకుని కేంద్ర ప్రభుత్వం కీలక నిర్ణయం తీసుకుంది. క్లోర్ఫెనిరమైన్ మేలేట్, ఫినైల్ఎఫ్రిన్ హైడ్రోక్లోరైడ్ కలిగిన ఫిక్స్‌డ్ డోస్ కాంబినేషన్ (FDC) మందుల తయారీ, విక్రయం, పంపిణీపై ఆంక్షలు విధించింది.

నాలుగేళ్లలోపు పిల్లలకు ఈ మందులను ఉపయోగించకూడదని ప్రిస్క్రిప్షన్ సమాచారంలో స్పష్టమైన హెచ్చరికను తప్పనిసరిగా ముద్రించాలని కేంద్రం ఆదేశించింది. నిపుణుల కమిటీ, డ్రగ్స్ టెక్నికల్ అడ్వైజరీ బోర్డు చేసిన సిఫార్సుల ఆధారంగా ఈ నిర్ణయం తీసుకున్నట్లు ప్రభుత్వం వెల్లడించింది.