రైతులకు శుభవార్త...మూడు ఎత్తిపోతల పథకాలు ప్రారంభానికి సిద్ధం

రాష్ట్రంలో మరో మూడు ఎత్తిపోతల పథకాలు త్వరలో అందుబాటులోకి రానున్నాయి. ఉమ్మడి నిజామాబాద్ జిల్లాలోని నిజాంసాగర్ ప్రాజెక్టు ప్రధాన కాలువపై సుమారు రూ.106.04 కోట్ల వ్యయంతో జకోరా, చందూరు, చింతకుంట ఎత్తిపోతల పథకాలు నిర్మించబడ్డాయి. ఈ పథకాలు ప్రారంభానికి సిద్ధమవడంతో రైతులకు సాగునీటి సౌకర్యం మరింత మెరుగుపడనుంది.

ఈ పథకాల ద్వారా వర్ని, చందూర్, మొస్రా మండలాల పరిధిలో ఉన్న 7,975 ఎకరాల ఆయకట్టుకు సమృద్ధిగా నీరు అందనుంది. నీటి పారుదల శాఖ మంత్రి ఎన్‌. ఉత్తమ్‌కుమార్ రెడ్డి త్వరలోనే ఈ పథకాలను ప్రారంభించనున్నారు. పనులు వేగంగా పూర్తవడం పట్ల మంత్రి సంతృప్తి వ్యక్తం చేశారు.