నెమ్మెలి డీసాలినేషన్ ప్లాంట్‌ను పరిశీలించిన సీఎం జోసెఫ్ విజయ్..

సి. జోసెఫ్ విజయ్ చెంగల్పట్టు జిల్లాలోని నెమ్మెలి డీసాలినేషన్ ప్లాంట్ను సందర్శించి అక్కడి సముద్ర జల శుద్ధి కేంద్రాల పనితీరును సమగ్రంగా పరిశీలించారు. ప్రస్తుతం పనిచేస్తున్న 110 ఎంఎల్‌డీ, 150 ఎంఎల్‌డీ ప్లాంట్లతో పాటు పెరూర్ డీసాలినేషన్ ప్రాజెక్ట్లో నిర్మాణంలో ఉన్న 400 ఎంఎల్‌డీ భారీ ప్లాంట్ పురోగతిని కూడా సమీక్షించారు. ఈ సందర్భంగా ప్లాంట్‌లో శుద్ధి చేసిన నీటిని స్వయంగా గ్లాసులో తాగి, ఆ నీటి నాణ్యతపై తన పూర్తి విశ్వాసాన్ని ప్రజలకు తెలియజేశారు.

పర్యటనలో భాగంగా రివర్స్ ఆస్మోసిస్ యూనిట్లు, ఫిల్ట్రేషన్ వ్యవస్థలు, సముద్ర జల ప్రవేశ నిర్మాణాలను పరిశీలించిన ముఖ్యమంత్రి, తాగునీటి నాణ్యతపై ఎలాంటి రాజీ లేకుండా పర్యవేక్షణ కొనసాగించాలని అధికారులను ఆదేశించారు. ప్రజలకు నిరంతరాయంగా సురక్షితమైన తాగునీటిని అందించడమే ప్రభుత్వ లక్ష్యమని ఆయన స్పష్టం చేశారు. శుద్ధి చేసిన నీటిని స్వయంగా తాగడం ద్వారా సముద్ర జల శుద్ధి సాంకేతికతపై ప్రజల్లో విశ్వాసం పెంపొందించడంతో పాటు, భవిష్యత్ అవసరాలకు అనుగుణంగా వాతావరణ మార్పులను తట్టుకునే నీటి మౌలిక వసతుల అభివృద్ధిపై ప్రభుత్వం కట్టుబడి ఉందని వెల్లడించారు.