నకిలీ మందులకు చెక్.. కొత్త నిబంధనలు తీసుకొచ్చిన కేంద్రం

దేశంలో నకిలీ మరియు నాణ్యత లేని మందుల విక్రయాలను అరికట్టేందుకు కేంద్ర ప్రభుత్వం కీలక నిర్ణయం తీసుకుంది. ఔషధాల భద్రతను మరింత బలోపేతం చేయడానికి డ్రగ్స్ అండ్ కాస్మెటిక్స్ నిబంధనల్లో సవరణలు చేసింది. ఈ మార్పులతో ‘షెడ్యూల్ H2’ పరిధిని విస్తరించి, మరికొన్ని కీలక ఔషధాలను కూడా ఈ జాబితాలో చేర్చింది.

కొత్త నిబంధనల ప్రకారం, షెడ్యూల్ H2 పరిధిలో ఉండే అన్ని మందుల ప్యాకేజింగ్‌పై ఇకపై క్యూఆర్ కోడ్ లేదా బార్ కోడ్ తప్పనిసరిగా ఉండాలి. దీనివల్ల మందుల అసలుదనాన్ని సులభంగా గుర్తించడంతో పాటు, సరఫరా వ్యవస్థను ట్రాక్ చేయడం కూడా సులభమవుతుంది. నకిలీ మందులపై నియంత్రణ సాధించి, ప్రజలకు నాణ్యమైన ఔషధాలు అందించడమే కేంద్ర ప్రభుత్వ లక్ష్యంగా అధికారులు తెలిపారు.