బిలావల్‌ భుట్టో పెళ్లి వార్తలు ఫేక్‌ - పీపీపీ

పాకిస్థాన్‌ పీపుల్స్‌ పార్టీ (PPP) చైర్మన్‌ బిలావల్‌ భుట్టో జర్దారీ పెళ్లిపై సోషల్‌ మీడియాలో వైరల్‌ అవుతున్న వార్తలను పార్టీ ఖండించింది. యూరప్‌లోని ఓ ప్రముఖ కుటుంబానికి చెందిన యువతితో బిలావల్‌ వివాహం జరగబోతోందన్న వార్తలు నిరాధారమైనవని కరాచీ మేయర్‌, పీపీపీ నేత ముర్తజా వహాబ్‌ స్పష్టం చేశారు. బిలావల్‌ నిశ్చితార్థం లేదా వివాహానికి సంబంధించిన వార్తల్లో ఎలాంటి నిజం లేదని ఆయన సోషల్‌ మీడియా ద్వారా తెలిపారు.

ఇటీవల సోషల్‌ మీడియాలో వైరల్‌ అయిన పోస్టుల్లో బిలావల్‌ యూరప్‌లోని మాజీ ఆస్ట్రియన్‌ రాజకుటుంబానికి చెందిన యువతిని పెళ్లి చేసుకోబోతున్నారని ప్రచారం జరిగింది. లీచ్టెన్‌స్టెయిన్‌కు బిలావల్‌ తండ్రి, పాకిస్థాన్‌ అధ్యక్షుడు ఆసిఫ్‌ అలీ జర్దారీ వెళ్లి వివాహ తేదీపై చర్చించారని కూడా కొన్ని కథనాలు పేర్కొన్నాయి. అయితే ఈ ప్రచారాలకు ఎలాంటి అధికారిక ఆధారాలు లేవని పీపీపీ వెల్లడించింది. బిలావల్‌ లేదా ఆయన కుటుంబం నుంచి కూడా ఈ విషయంపై ఇప్పటివరకు ఎలాంటి అధికారిక ప్రకటన వెలువడలేదు.