మహిళా కమిషన్‌ చైర్‌పర్సన్‌గా నేరెళ్ల శారద.. శుభాకాంక్షలు తెలిపిన బల్మూర్‌ వెంకట్‌

తెలంగాణ రాష్ట్ర మహిళా కమిషన్‌ చైర్‌పర్సన్‌గా నేరెళ్ల శారద బాధ్యతలు స్వీకరించారు. సికింద్రాబాద్‌ బుద్ధభవన్‌లోని మహిళా కమిషన్‌ కార్యాలయంలో ఆమె ప్రమాణ స్వీకారం చేసి పదవీ బాధ్యతలు చేపట్టారు. ఈ సందర్భంగా ప్రభుత్వ విప్‌ డాక్టర్‌ బల్మూర్‌ వెంకట్‌ మహిళా కమిషన్‌ కార్యాలయానికి వెళ్లి శారదను కలిసి శుభాకాంక్షలు తెలిపారు. ఆమెను శాలువాతో సత్కరించారు.

మహిళల హక్కులు, రక్షణ, సంక్షేమంతో పాటు విద్యార్థినుల సమస్యల పరిష్కారానికి మరింత కృషి చేయాలని బల్మూర్‌ వెంకట్‌ ఆకాంక్షించారు. మహిళలకు అండగా నిలుస్తూ వారి సమస్యల పరిష్కారానికి మహిళా కమిషన్‌ మరింత చురుకుగా పనిచేయాలని ఆయన కోరారు. మహిళల భద్రత, సంక్షేమానికి ప్రాధాన్యం ఇస్తామని నేరెళ్ల శారద బాధ్యతలు స్వీకరించిన సందర్భంగా తెలిపారు.