ఆర్టెమిస్‌-2.. కట్‌ కానున్న సంబంధాలు !

నాసా చేపట్టిన ఆర్టెమిస్‌ - 2 మిషన్‌ చందమామ దిశగా తన ప్రయాణాన్ని కొనసాగిస్తోంది. నలుగురు వ్యోమగాములతో ప్రయాణిస్తున్న ఒరాయన్‌ వ్యోమనౌక చంద్రుడి వెనుక భాగం దాటి భూమి వైపు తిరిగి రానుంది. ఈ సమయంలో వ్యోమనౌకకు హ్యూస్టన్‌లోని మిషన్ కంట్రోల్‌తో సుమారు 40 నిమిషాలపాటు పూర్తిగా సంబంధాలు నిలిచిపోనున్నాయి.

ఈ కమ్యూనికేషన్ విరామం చంద్రుడి వెనుక భాగం గుండా ప్రయాణించే సమయంలో సహజంగా జరిగే ప్రక్రియగా నాసా పేర్కొంది. ఈ ఘటన మంగళవారం తెల్లవారుజామున సుమారు 4 గంటలకు (భారత కాలమానం ప్రకారం) చోటు చేసుకునే అవకాశం ఉంది. దీన్ని దీర్ఘ అంతరిక్ష మిషన్ సామర్థ్యాలను పరీక్షించే కీలక దశగా శాస్త్రవేత్తలు భావిస్తున్నారు.