
రాజకీయాలు

తుఫాన్ ముప్పు నేపథ్యంలో ఆంధ్రప్రదేశ్ వైద్యారోగ్యశాఖ అప్రమత్తమైంది. తుఫాన్ ప్రభావిత ప్రాంతాల్లో గర్భిణులకు ఎలాంటి ఇబ్బందులు కలగకుండా ప్రత్యేక చర్యలు చేపట్టింది. ప్రసవ గడువు సమీపించిన 3,478 మంది గర్భిణులను అధికారులు గుర్తించారు. వీరిలో 377 మందిని ముందస్తు జాగ్రత్తగా వివిధ ఆస్పత్రులకు తరలించగా, వారిలో ఇప్పటికే 171 మందికి ప్రసవాలు జరిగాయి.
తుఫాన్ ప్రభావం ఉండే 15 జిల్లాల్లో 699 వైద్య బృందాలను అందుబాటులో ఉంచారు. అత్యవసర వైద్య సేవల కోసం 108, 102, 104 వాహనాలను సిద్ధం చేశారు. తీరప్రాంతాల్లోని 88 ఆరోగ్య కేంద్రాల్లో ప్రత్యేక ఏర్పాట్లు చేపట్టారు. అలాగే, వైద్య సేవలకు విద్యుత్ అంతరాయం కలగకుండా 955 కేంద్రాల్లో ప్రత్యామ్నాయ విద్యుత్ సదుపాయాలను ఏర్పాటు చేశారు. తుఫాన్ సమయంలో ప్రజలకు నిరంతర వైద్య సేవలు అందించడమే లక్ష్యంగా శాఖ చర్యలు చేపట్టింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!