అపోలో ప్రాజెక్ట్స్‌ డైరెక్టరుగా ఉపాసన కామినేని కొణిదెల

అపోలో హాస్పిటల్స్‌ దేశవ్యాప్తంగా రూ.8,600 కోట్ల పెట్టుబడులతో కొత్త ఆసుపత్రుల ఏర్పాటు, ప్రస్తుత ఆసుపత్రుల ఆధునికీకరణ చేపడుతోంది. ఈ నేపథ్యంలో సంస్థ ప్రాజెక్ట్స్‌ డైరెక్టరుగా ఉపాసన కామినేని కొణిదెల బాధ్యతలు స్వీకరించారు. ఆసుపత్రులకు వచ్చే రోగులు, వారి కుటుంబ సభ్యులకు మెరుగైన అనుభవాన్ని అందించడంపై ఆమె ప్రధానంగా దృష్టి సారించనున్నారు.

హాస్పిటల్‌ ప్రాజెక్టుల ప్రణాళిక, డిజైన్‌, నిర్మాణం, అమలు, ప్రారంభం వరకు జరిగే ప్రక్రియలను ఆమె సమన్వయం చేయనున్నారు. ఇందుకోసం అపోలో నాయకత్వం, వైద్య బృందాలు, ప్రాజెక్ట్‌ భాగస్వాములతో కలిసి పనిచేస్తారు. ప్రస్తుత ఆసుపత్రుల ప్రాంగణాల ఆధునికీకరణకు రూ.1,565 కోట్లు కేటాయించగా.. హైదరాబాద్‌, ఢిల్లీ ఎన్‌సీఆర్‌, చెన్నై, ముంబయి, బెంగళూరు తదితర నగరాల్లో ఈ ప్రాజెక్టులు చేపట్టనున్నారు.