క్విక్ కామర్స్ సేవలను ప్రపంచంలో విస్తరించనున్న అమెజాన్

దేశంలో క్విక్ కామర్స్ అత్యంత పాపులర్‌గా మారింది. కేవలం 10 నిమిషాల్లో డెలివరీ చేసే ఈ సేవలను చూసి విదేశాల నుంచి వచ్చిన చాలా మంది ఆశ్చర్యపోయారు. దేశీయంగా ‘అమెజాన్ నౌ’ క్విక్ కామర్స్ సేవల విజయాన్ని చూసి, అమెజాన్ ఇప్పుడు అమెరికా, యూరప్‌లో కూడా ఈ సేవలను ప్రారంభించడానికి సన్నాహాలు చేస్తున్నది. గత ఏడాది అమెజాన్ భారత్ మరియు యూఏఈలో ఈ సేవలను మొదలు పెట్టింది.

అమెజాన్ డాక్యుమెంట్ల ప్రకారం, ‘అమెజాన్ నౌ అల్ట్రా ఫాస్ట్ డెలివరీ’  ద్వారా కేవలం 20 నిమిషాల్లో ఐటెమ్స్ డెలివరీ చేస్తున్నారు. భారత్‌లో సుమారు 360 మైక్రో ఫుల్‌ఫిల్‌మెంట్ సెంటర్లు ఉన్నాయి, మరియు సంఖ్యను పెంచుతున్నారు. అమెజాన్ నౌ ఆర్డర్లు నెలవారీగా 25 శాతం వృద్ధి పొందుతున్నాయి. రిపోర్ట్‌ల ప్రకారం, ఎలాంటి డిస్కౌంట్లు లేకపోయినా 70 శాతం వినియోగదారులు క్విక్ కామర్స్ సేవల్లో ఆసక్తి చూపుతున్నారు. ఇతర ఇ-కామర్స్ ఫార్మాట్‌లతో పోలిస్తే ఇది 11 రెట్లు వేగంగా పెరుగుతోంది. ఈ విజయంతో, అమెజాన్ తన క్విక్ కామర్స్ సేవలను అంతర్జాతీయంగా విస్తరించడానికి సిద్ధమవుతోంది.